|
SubscriptionsSites I Read
|
|
|
|
| 終於都逃出左地獄啦! 有一個星期假........
星期六同外星人去左魚街買魚, 又破財, 但d魚又真係幾靚既...........忍唔到手
星期日就搵外星人同我買野upgrade部腦同埋買野整我細路果部, 現家我部腦勁囉
intel C2Q E9450 4核心! 4G ram! 8800GT(之前果塊係公板~現家呢塊唔係~涼好多), upgrade左Benq隻24吋mon, 唔係TN panel, 所以d色靚好多同埋咩角度睇都唔會變色, 最重要係打PS3 有HDMI 1:1, 唔使再搞到個畫面拉橫晒變晒型啦!
星期二去左睇詹sir既萬世巨星, 一句.....實在係太正啦! 邊有咁好睇架!
星期五, 先去魚街買野, 之後佢同我去買模型, 我一盒1:144既 nu Gundam, 便佢仲勁! 5盒三國~ 之後仲去朗豪買衫返工, 返到屋企搞完魚缸就開波搞摸型, 佢搞三國~我就完成埋隻MG Unicon~終於都砌好啦! 但其實都砌得好求其....
黎緊外星人會去東南亞考察, 有一個星期假放!
| | |
| 星期六外星人考完試就即刻去魚街~同一時間要做採購部主任, 物流工人, 水族工程師傅, 清潔工人..........一口氣買晒所有野~買左個ex-120濾桶, 7L MA生物環, 1L matrix, 加多盒唔知咩野(我形容為火藥, 因為真係好似), 24Wx4 T5HO 燈, 沙樽, 超勁既氣bump, 6KG沙, 3舊生物石~本來買個同我一樣既魚缸, 但自己衰多口, 話不如買個高d既缸~結果外星人就死都要買個高d.........買完飛的返去佢基地, 但其間搬住d野周圍走真係囉命........返到去開工, 搞到10點幾11點終於都set起左個缸
琴日又係走去搞魚~呢次買多幾舊生物石返去砌景, 仲買左幾條開缸"死士", 唔係唔係, 唔好意頭, 係開缸"壯士"返去~但果幾條魚又要打交~但又死要走埋一齊~吹脹! 臨走時仲一腳踩落小白舊溶溶地既金條到........
星期五果日游水, 撞到上年勁fd果班救生員同事~但原本游一個鐘變左游2個半鐘~病病..........真係好凍.........
琴日去左睇24吋mon, 我諗都係笨q既2491W, 同牙石241H
仲有5日就逃出地獄啦!
| | |
| 最後都終於忙完, 一個星期....唔係, 係用左3日就做好左14頁紙既term paper......仲有3個鐘就做左3頁紙既group project 自己果part......唔該晒外星人幫我份term paper搞grammer
試又考埋, 其實只係用左兩日溫, 睇住份past paper黎溫既, 但條粉樣, 竟然玩野, 全部coding唔出, 呢科唔使retake都算係再創奇跡
又開始得閒過, 日日都係公司上網, 係呀上網呀, 我keep起左個link, 日日走時都係待機
前排係魚街買左部冷氣俾d魚~等d水keep到23-25度,成為千5~幾貴~但無計~淡水生態實驗計劃既一部份, 又買左pretty baby, 次次都買, 點解呢次會出手, 因為有女囉, 但仔就好健康, 女就返左天家囉.........其實最近對個缸都有少少不滿, 因為d草又實在生得太亂, 但如果現家搞又太大工程
果死人headphone用左都一年之嘛~條線就斷左~黎緊會諗住用UM2, 但要搵過2手~因為真係唔平
新工果度六月先返工, 但買要過衫, 又洗錢
自從外星人對模擬海水生態實驗產生濃厚既興趣, 亦係我既幫手下係佢既基地設置左一個小型既實驗場, 但次次都實驗失敗, 而我同佢亦不停咁實行"死神又來了"行動, 每次有魚死就補番一條, 但眼見佢個實驗場真係唔多掂, 於是我最近就提出左擴大實驗場計劃, 免得我再負殺生之名,琴日就同佢去左樂富買野~黎緊星期六日仲有野要買同搞~
琴日食lunch時去左買router, 因為現家用緊果個實在太......廢! 長玩BT就會死~又慢! (其實係我upgrade左 XP既SP3之後唔記得左將TCP/IP既limitation改番, 想上網快少少既兄弟姊妹, 你可以MSN我囉個patch自己搞下), 原本諗住上網買個NETGEAR , 點知我琴日去睇~小! 好彩無買到~原來個話既都只係差30蚊~結果我仲買左個更加新既model, 幾靚仔架~試過琴晚BT左成G野~都只係2個鐘, d速度終於都正常番~不過要買張PCMCIA咭俾部notebook玩wireless-N
好想換個24吋mon玩PS3呀~22吋真係唔多夠~
同外星人去睇Iron man, 幾正~但我始終都係鐘意變型金剛多d!
日日放工後都去游水, 但d水真係幾凍下
| | |
| 將CV周圍飛~飛左40幾封出去~見左5份之後~黎到一間保險中介公司~見左佢地個 ITO, in左一個鐘~全程佢講多過我講~但最後佢竟然同我講話9成9請我..........勁~以貌辨人......過幾日後~佢地又打黎叫我second in, 今次個 ITO, 兩個PM~但都係個ITO講野多, 自己都係講番前幾日同 ITO講過既野~兩個PM走左後, 同 ITO吹左陣水~佢就話請硬我.....勁!
OOCL果邊同日其實都同我phone interview, 前幾日打黎叫我今日去second in, 但果邊做support 既assistant technical analyst, 跟住前日agent打黎, 話IBM想同我phone interview.....痴線, 一係無, 一係就狂黎interview, 但講真, 現家都係想係細公司浸下先, 大公司唔諗住啦, 所以應承左保險果邊, 雖然係JP, 但交通方便, 13個月, 又有其他benflit , OK呀~做住先, 不過呢間公司寫delphi, 雖然都有application 用J2EE, 但真係轉緊型, 不過裡面應該幾多野學~
終於都prison break成功! 所以做起野上黎都醒晨D! 要改果個JSP好快就改好晒~我阿大仲話我咁快手~超~平時我跟本就全日只有2個鐘係做野~唔hea住做~我都唔知d日子點過~點知改好後~呢幾日d user又話要改呢樣~又要咁又要咁~結果改下改下, 竟然仲發現埋vender寫既時候d bugs, 結果要重新自己搞過d SQL同code........
因為想係走前唔留底任何手尾, 所以呢幾日都夜走, 但我其實星期5就要搞掂8-10pages既term paper同做埋group project d手尾.....好想死!
9號就考完試, 23號就last day, 2號先返工, 有一個星期~要盡情玩呀!
| | |
| 最近又開始搵工, 將份CV當垃圾咁周圍飛, 見過幾份工, 個個都話:你太green啦.......我見junior post, 就緊係green啦, 做電腦呢行講經驗, 我知, 但對一個fresh 黎講, 你地想要求d咩, 不過見工就係咁, 搵一個伯樂, 其實唔簡單
原本再讀master係因為對自己既能力學識, 仲有背景都無心先會讀, 但估唔到反而壓力大左同埋更加無信心
對現家呢份工已經去到想逃避既階段.......唔想再講點唔好點唔得, 因為已經去到唔需要再講既既階段.......我阿大都出聲叫我唔好留低, 話無前途, 放心, 我未搵到工無得走, 搵到我走都走唔切.......官僚, 同事間既相處, 做事, 實在係腐化, 留耐d, 我都會同佢地一樣.......
心情唔好, 其實好想爆發, 但唔知點解爆唔出, 對住外星人要忍, 因為唔關佢事, 唔想囉佢黎出氣, 對朋友無提, 因為都無咩點見過面, 加上呢排要趕功課同埋預備考試, 更加谷住谷住.......
連我最鐘意搞魚,撚狗, 打機都提唔起興趣......
日日都西裝返工, 老細問我做咩日日都執到咁正, 先話要present, 之後搬外星人上檯, 話我女朋友鐘意睇, 要著到佢厭為止
好耐無買衫, 買鞋........要儲錢買啦, 因為d衫都開始殘, 幾件Tee都變晒形, 好似連身裙咁.......
越想簡單去睇野, 但點解偏偏要複雜化.......實在討厭得很 | | |
|
